Skip to content

Siguimos n’obres

Anque’l tramu Unquera-Llanes yá va tiempu remató, equí siguimos nello. Más que la costa l’oriente, esto paez El Escorial, selo. Pacienzuca…

Advertisements

¡QUE TAMOS N’OBRES, HO!

Sé qu’agora esti blogue paez les obres de l’Autovía’l Cantábricu nel tramu Unquera-Llanes, pero tenéi un pocu paciencina, que tamos de mudanza, dende Nireblog hasta WordPress.

Siguíi en llínia pa enteravos de les prósimes actualizaciones que se faigan equí.

Deutschland!!!!

Depués d’un parón nesti blog, vuelvo espublizar. Tuvi va unes selmanes p’Alemania, na ciudá de Dresde. Una ciudá guapa, bien situada, a mediu camín ente Berlín y Praga (dos hores a cada ciudá) y con muncha vida, a lo menos nuna parte de la ciudá.

Dresde ta xebrada en dos partes principales: Altstadt o la Ciudá Vieya, con tolos monumentos reconstruíos tres del bombardéu na II Guerra Mundial y col centru financieru de la ciudá, y Neustadt, o Ciudá Nueva. Neustadt ye bien conocida por ser un barriu onde ta “tola movida”: estudiantes que viven ehí, munchos bares afayadizos y con música variao, restoranes, tiendes de discos (sí, tovía), xente de tolos llaos, estranxeros,…

Bunker Lederclub

Nesti barriu ta unu de los bares más interesantes de tou Dresde: el Bunker. El Bunker ye un garitu rexentáu por una asociación y qu’ofrez un espaciu pa homes que tán nel rollu de fetiches, leather, osos y demás. Na so páxina web dan tamién información sobre la escena en toa Saxonia y toa Alemania.

Si vais dir dalgún día per Dresde, anímovos a echa-y un güeyu a esti bar, medianucu pero bien montáu que yá quixéramos nes ciudaes de provincies equí na Península.

¡Votación meyor blogue 2010!

Calcái y votái por Xúnite a la Intifada Homosexual!

¿Quierme, nun me quier,…?

Esto de facer entrevistes de trabayu paezse munchísimo a los castings que suel facer la xente pa buscar mozu.

  • Unvíes el currículum, pensando a ver si vas presta-y porque’l mozu nun ta nada mal, la verdá.
  • Llámente pa una entrevista. ¡La primer cita! ¡Vamos conocenos!
  • Dícente tres la entrevista que yes un bon mozu y que-yos prestes que yá te llamarán. Quedáis en qu’esi día vos dicís coses.
  • Y llueu llega esi día y tas atacáu de los nervios, pensando si te llamará o non… hasta qu’has llamar tu al final del día pa recibir un focicazu por respuesta. O, quien sabe, un sí por respuesta d’un mozu tímidu que nun sabía cómo dicite que yeras l’home perfectu pa esti trabayu.

Güei ye vienres y nesa última fase m’alcuentro yo. Güei decídese too 🙂

Lluz de piedra de Lluna

Siguiendo col viaxe alredor de la península, yá con trenta años y nun costáu d’ella, a orielles del otru mar (Barcelona), ando recordando Madrid. Meyor dicho, un hexamillonésimu de la ciudá de Madrid. Velequí la banda sonora pa esta nueche de señaldá, d’echar de menos, y siguimos cola tradición que ta marcada yá nesti blog de facer posts de música.

Si ye que la lluz de les piedres de lluna siempres acaben por apagase. ¿Sedrá una llei natural? Qué triste ye…

Javiera Mena – Luz de Piedra de Luna


Cuando emburrie la puerta empezóme a pasar

que la nueche ocupábala en pensar en ti

realcontréme con un tibiu arrepentimientu

y qu’a la vez, apurrí-y más fuerza al fín

porque agora ye nuevu afirmar

a ti la mio prenda, creo que tu y yo prometímoslo en ríu

tolos motivos diríxenme al presente a la fin.

Anque cuando baillo contigo nun m’esmolezo mas

suaño contigo, lluz de piedra de lluna

Cuando baillo contigo nun, nun, trato más d’entender que la to lluz apagárase.

Y quedo en silenciu viendo la to reacción

corazón nes tos palabres reflexo yo porque te atrapa

una etapa na vida fuerte ye esa marca que dexa’l primer amor

porque agora ye nuevu afirmar

a ti la mio prenda, creo que tu y yo prometímoslo nel ríu

tolos motivos diríxenme en presente a la fin.

Cuando baillo contigo nun m’esmolezo mas

suaño contigo, lluz de piedra de lluna cuando baillo contigo

Cuando baillo contigo nun, nun, trato más d’entender que la to lluz apagárase.


Clandestinos

Nel “estranxeru”, poca cosa qu’actualizar depués de la Xornada pola Despatoloxización de la Transexualidá. Y güei va tamién de música, esta vuelta en castellanu.

Nun ye frecuente atopar dientro’l hip-hop coses como esto, falando d’amor, y d’un amor ente dos paisanos.

Dedicáu a tolos Carlos y Migueles del mundu.

Clandestinos, amores enferronaos, soterráneos, misiones que nun florecen, amostálguense

Cuando l’amor esta prohibíu’l
dolor siéntese, el
sufrimientu ye añedíu porque nun
entienden
que l’amor nun entiende, d’edaes
nin riegles, de races
nin sexos, los
horizontes del amor
son tan inmensos.
Que dacuando nun hai mas remediu qu’aprender a perder, y aceptar
ensin mas
lo qu’el corazon decida faer, y mañana
sera igual
que güei y qu’ayeri, mañana ellos
volveran
a afalagar la to piel.

Buscárense nesta torre de Babel, sufriran
porque la incomprension
ye la soledá mas cruel, los
sos nomes Carlos y Miguel
y un mundu infiel, onde dos homes que se besen
ye un crime.

Y asi viven, vense trés vegaes per selmana, abrazar
y ente les sabanes esquiten sentimientos incesantes, ámense mas
alla del drama, y oir
tou aquello que proclamen
voces ignorantes.

Carlos trabaya de taxista, conoz
bien la ciudá, dexo a la so
novia en Navidá y
acepto la so sexualidá.

Miguel ye profesor d’hestoria, dexo’l
so pueblu ensin pena nin gloria.
En busca de la llibertá, conociéronse

y foi por pura coincidencia, güei
comparten la so esistencia como 2
pelegrinos, pero,cuando l’amor
esiste y
esta prohibíu, l’amor
ye murniu porque ye clandestín..

[etc]