Skip to content

Si supieras, molinera, cuántu te quiero mio alma…

Acabo echa-y un güeyu al cartel del Certame’l Quesu Cabrales y vaya sorpresona col plan pal vienres 27. Trés grupos como Tuenda, Felpeyu y Corquiéu dende la medianueche nel parque de Las Arenas de Cabrales.

¿Y a nós qué, si esti ye un blog de temática LGTB? Pos si hai daquién que tovía nun s’enteró, Corquiéu tienen un cantar bien prestosu nel que falen d’un amor imposible d’una moza pa cola molinera’l so pueblu.

Podéis escuchalu equí:

Cuanta maxa lleves dientro
pa facer farina d´agua
viendo dar vueltes les mueles
pasa adulces la ivernada.

Naguo por ser la farina
que selemente calistra
los poros de la camisa
qu´endolca la to natura
d´agua
si supieras que te quiero
amurniarías la mirada.

Siguiré siendo furtiva
sabiamente amatagada
ente fatos perxuicios
que la sociedá nos instaura
siguiré siendo furtiva
sabiamente amatagada

Naguando por un futuru
enllenu d´esperanza
suañando colos placeres
de los qu´agora toi
privada
si albidrara que me
quieres
morrería esgaloyada
nun habría home en
tierra
que conociera dicha más alta.

Solamente camentalo
camuda´l xeitu la mio
cara
apigazar na to vera
esconsonar na to cama
ser parte de la to vida
ser la familia que te falte
si supieras molinera
cuanto te quiero mío alma

Quien fuera l´agua que
mueve
el molín de la to casa
pa ser parte la to vida
y dexar de vivir
arrequexada
por una sociedá inxusta
que castiga a la llesbiana
que toes llevamos dientro
soterrándola pa que nun
salga
si supieras molinera
cuanto te quiero mio alma
apizagar na to vera
esconsonar na to cama
si supieras molinera
cuanto te quiero mio alma
apizagar na to vera
esconsonar na to cama.

Advertisements

¡Atención, pregunta!

¿Por qué a la mayoría, cuando tán lligando nos internetes, piden xente que tea “fuera del ambiente”?

¿Qué fechu diferencial marca eso y qué diz eso de la persona oxetivu de lligue?

Pido respuestes porque esto lleva faciéndome runrun na tiesta una temporada. A ver si sois quien a apurrime una respuestuca.

Muerte ensin pretensiones lliterarias

Ando regolviendo nel archivu de coses espublizaes notros llaos, recordando tiempos míos pasaos y acabo topame con esto qu’escribí y la semeya que punxi de la que morriera la mio güela, la última de los cuatro en morrer. Nun pueo dexar de sorrir al relleelo, non d’alegría, sinón de serenidá y cariñu.

23/11/06

Kira llevantó la mirada al cielu al traviés de la ventaniella’l bus que la llevaba a Valladolid nesi día de final de Payares.

Los cuatro nun diben vela yá llicenciase en denguna de les sos dos carreres.

Una xeneración familiar yá estinta.

Cuatro gotes de sal disuelto esnidiando.

Descansen en paz.

L’actuación debe siguir.

sable de xixón playa de gijón

Cellebrando un gol…

Del blog de noticies deportives acabo sacar esta semeya, xunto con una noticia. Foi’l 27 d’abril (yo nun me diera cuenta hasta agora) nun partíu ente’l Manchester United y el Manchester City.

 

Paul Scholes y Gary Neville del Manchester United, cellebrando un gol

 

¡Pero qué guapo ye querese! 🙂

 

Y póngovosla asina en grande porque esti roxucu merezlo.

 

 

17 de mayu: Día contra la Homofobia

Lo que tien unu qu’aguantar…

Lleo les noticies y m’alcuentro con esto que vien darréu. L’orixinal ta en castellanu na páxina de Dos Manzanas pero menos mal que tenemos el guapu ESLEMA pa salvanos la llingua en toles ocasiones, como Asturies…

Ésta ye la cara que tien.

jn-slo1.JPG

Líder de la ultraderecha eslovaca amenaza con cuspir a manifestantes en próximu Arguyu

El líder del Partíu Nacionalista Eslovacu (SNS), Ján Slota, calificó la primer manifestación del Arguyu en Eslovaquia como “socialmente inaceptable”, y anuncia “una respuesta apropiada” per parte del so partíu.

El próximu 22 de mayu va tener llugar en Bratislava la primer manifestación del Arguyu nel país, y en declaraciones a l’axencia estatal eslovaca de noticies, TASR, Slota amenaza a los manifestantes LGTB con “una respuesta apropiada” del so partíu “pa dexa-yos claro que son un elementu indeseable nes nueses cais”. Así mismo, declárase “convencíu de que la homosexualidá ye una enfermedá” y amenaza abiertamente con “asistir personalmente, pa cuspir”.

El SNS ye sociu minoritariu de gobiernu del partíu socialdemócrata eslovacu, SMER, y ye bien conocíu pola so retórica fascista, racista (contra xitanos), xenófoba (húngaros) y homófoba: Slota definió a los homosexuales como “morgazu”, magar lo cual declaró nun tener nengún problema con ellos “siempres que permanezan escondíos, apurríos a los sos repugnantes orxíes”. Ante talos escesos, los socialistes eslovacos fueron espulsaos temporalmente del Partíu Socialista Européu por aliase col SNS.

Software Llibre

I love Free Software!

Porque ye Llibre

Porque ye adautable a la to llingua

Porque pues usalu tolos díes del añu

Por estes razones y munches más, ama y sofita’l Software Llibre